Сөздер › Жиі қойылатын сұрақтар

Жиі қойылатын сұрақтар

Сөздер деген не?

Сөздер — күн сайынғы қазақша сөз ойыны. Бес әріпті қазақ сөзін алты әрекетте табу керек. Әр әрекеттен кейін әріптер жасыл, сары немесе сұр түске боялып, сөзге қаншалықты жақын екеніңізді көрсетеді. Толық ережелер қалай ойнау керек бетінде.

Бұл қазақша Wordle ме?

Иә. Сөздер әлемге танымал Wordle ойынының ережелерімен ойналады, бірақ толығымен қазақ тілінде: қазақ сөздері, қазақ әліпбиі және қазақша пернетақта. Қазақ тілін үйреніп жүрсеңіз немесе сөздік қорыңызды байытқыңыз келсе, күнделікті жаттығу ретінде де пайдалы.

Бүгінгі сөз қашан шығады?

Жаңа сөз күн сайын Астана уақытымен 02:00-де шығады. Қазақстанның қай жерінде немесе қай елде болсаңыз да, сөз барлығына бірдей. Келесі сөзге дейін қанша уақыт қалғаны ойын соңындағы статистика терезесінде көрсетіледі.

Бүгінгі сөздің жауабы қандай?

Бүгінгі сөзді ойынға кіріп, өзіңіз табасыз. Алты әрекетте таба алмасаңыз, ойын соңында жауабы мен мағынасы көрсетіледі. Ертеңнен бастап ол бұрынғы сөздер бетінде де пайда болады.

Кешегі сөзді қайдан көруге болады?

Бұрынғы сөздердің барлығы бұрынғы сөздер бетінде. Әр сөздің жеке бетінде оның мағынасы, мысал сөйлем, орысша және ағылшынша аудармасы бар.

Ойын тегін бе?

Иә, ойын толығымен тегін. Тіркелудің де, қосымша жүктеудің де қажеті жоқ: браузерде телефоннан да, компьютерден де ойнауға болады. Телефонда басты экранға қосып алсаңыз, қосымша сияқты ашылады.

Күніне бірнеше рет ойнауға бола ма?

Жоқ, күніне бір ғана сөз бар. Сол себепті барлығы бір сөзді шешіп, нәтижесін достарымен салыстыра алады.

Қазақ әріптерін қалай теремін?

Экрандағы пернетақтаның жоғарғы қатарында Ә, І, Ң, Ғ, Ү, Ұ, Қ, Ө, Һ әріптері бар. Компьютерде қазақша пернетақта орналасуын қосып, өз пернетақтаңызбен де теруге болады.

Нәтижемді қалай бөлісемін?

Ойын біткен соң Бөлісу батырмасын басыңыз. Нәтиже әріптерсіз, тек түсті шаршылармен көшіріледі, сондықтан WhatsApp не Telegram-да бөліссеңіз де, ешкімге жауапты ашып қоймайсыз.

Статистикам қайда сақталады?

Статистика осы құрылғының браузерінде сақталады. Басқа телефонға немесе браузерге ауыссаңыз, есеп басынан басталады.

Вордл на казахском языке

Сөздер — это вордл на казахском языке: каждый день новое казахское слово из пяти букв и шесть попыток, чтобы его угадать. Бесплатно и без регистрации. Сама игра полностью на казахском, а ответы прошлых дней с переводом на русский есть на странице бұрынғы сөздер.